اهل التفاوض ساوموا عالدم ومش هم عندن مين بالظلم ابتدى ….محسن يوسف

هل التفاوض ساوموا عالدم
ومش هم عندن مين بالظلم ابتدى …
روقوا بقى ما عاد تمرق عا حدا
كبْرِتْ الكذبة وصار في إلها صدى
لا لعبة التشهير ساغتها العقول
والمسرحية انكشْفِتْ وبان الرَّدى
مشاريع تحت الطاولة صارت تجولْ
وموت المجازر قطَّعْ حدود المدى
وحبل الكذب يا صاحبي مهما يطول
راح يفضحوا عنّا التفاوض عالهدى
بحرب غزة تغيَّبت كل الحلول
وما في حدا بالكون عالحلّْ اهتدى
لعبة امم عنها السَّليم يقولْ
عم تستغل الدَّم تا تحمي العدا
بتتعدَّد الهجمات بيزيد الذهولْ
وغزة لوحدا عندهم كِبشْ الفدا
بيسطحوا التفكير براس الجهولْ
وبيفاوضوا عالدَّم بخلاف الأصول
مش هم عنْدُنْ مين بالظلم ابتدى
محسن يوسف ١ ٢ ٢٠٢٤